Panik pas tërmetit 5.3 ballë në Greqi, lëkundjet ndihen edhe në Shqipëri

Lëkundje të forta tërmeti janë ndierë mëngjesin e sotëm në Greqi pranë kufirit me Shqipërinë.

Sipas mediave greke, tërmeti kishte magnitudë 5.3 të shkallës Rihter, duke u pasuar edhe nga lëkundje të tjera më të ulëta, më e forta prej të cilave 4.7 e shkallës Rihter.

Tërmeti me epiqendër pranë Janinës u ndje në shumë zona kufitare mes Greqisë dhe Shqipërisë.

Lëkundjet shkaktuan rrëshqitje shkëmbinjsh në Autostradën Egnatia dhe ndërprerje të energjisë elektrike në Janine. Qytetarët lanë banesat e tyre dhe dolën në rrugë.

Shkëmbinjtë ranë në Autostradën Egnatia në seksionin drejt Igumenicës, ndërsa ndërprerje të energjisë elektrike u vunë re në Janinë.

Fatmirësisht nga lëkundjet e tërmetit nuk raportohet të ketë pasur dëme në njerëz.

“Njerëzit kanë dalë, janë të frikësuar dhe siç ndodh në tërmetet mbi 5 të shkallës Rihter, pati ndërprerje të energjisë elektrike”, tha për ERT Efthimios Chrysostomou, Zëvendëskryetari i Bashkisë për Mbrojtjen Civile të Bashkisë së Janinës.

Në të njëjtën kohë, guvernatori i ‘Epirit’, Alexandros Kahrimanis, raportoi në një postim se në Autostradën Egnatia, në pjesën drejt Igumenicës, kishin rënë gurë.

Lëkundjet u ndjenë edhe në ishujt e Jonit si Korfuzi dhe Lefkada, dhe në zona të Greqisë Perëndimore, deri në Patra.

gijotina.com/