Sjellin hitin e shumëpritur, Tayna dhe Ledri publikojnë këngën e re

Reperët e njohur shqiptarë, Ledri dhe Tayna, kanë publikuar së fundmi bashkëpunimin e tyre më të ri, i cili titullohet “Hala”.

Kënga është e zhanrit hip-hop dhe e vizualizuar me një klip mjaft interesant, ku ashtu si pothuajse në çdo video muzikore tjetër, Tayna vjen me një paraqitje mjaft atraktive.

Muzika është punuar nga producenti Cricket dhe Egzon Surkishi, gjersa për tekstin janë kujdesur vet dyshja interpretuese, duke shkruar secili pjesën përkatëse të tij me ndihmë nga Endrit Mumajesi.

Dyshja në fjalë bashkëpunuan edhe në dhjetor të vitit 2018, në një këngë të titulluar “Aje”, e cila u prit mirë në atë kohë.