Reperi Rigels Rajku i njohur me emrin e artistit si Noizy ka qenë në krye të mediave rozë përgjatë këtyre ditëve të fundit lidhur me sherrin që pati me reperin, Klevion Ahmeti i njohur si “Cllevio Serbiano”.
Sot vlerësohet si një ndër reperët më të suksesshëm shqiptar por Noizy ka pasur një dëshirë tjetër kur ishte fëmijë që nuk kishte lidhje me muzikën. Reperi zbuloi gjatë intervistës që dha për emisionin “Abc e pasdites” se ëndërronte që të bëhej një aktor.
Duke folur për fillimet e tij, reperi theksoi se gjatë kohës që ka jetuar në Londër jetonte me shpresën se do të kthehej në Shqipëri dhe të angazhohej në aktrim. Megjithatë, ai theksoi se disi e ka prekur dhe këtë fushë pasi është angazhuar në disa projekte me Blerim Destanin.
“Kam pasur ëndërr, mbase jo të jem artist i muzikës por aktor. Flija gjumë duke menduar se një ditë do të kthehem në Shqipëri dhe do të isha aktor. Ja ku jemi sot, mbase jo aktor por artist.”
Ndërsa, kujtojmë se kohë më parë Noizy ka paralajmëruar se me datën 14 gusht do të mbaj një koncert madhështor në stadiumin e Tiranës, “Air Albania”.
Discussion about this post