Çdo Krishtlindje, miliona njerëz në Britani dhe në 54 kombe të Commonwealth-it përgatiten për të dëgjuar Mbretëreshën të japë mesazhin e saj të Krishtlindjes.
95-vjeçarja në fotografinë pranë tavolinës vendos zakonisht nipërit dhe mbesat që kanë lindur së fundmi. Këtë vit pritej të kishte foto të Lilibet, vajzës së Harryt dhe Meghan ose fëmijëve të princeshave Eugenie dhe Beatrice, por këtë vit nuk ka qenë kështu.
Ajo ka zgjedhur foton e Princit Philip për fjalimin e Krishtlindjeve dhe ka bërë një nderim prekës për bashkëshortin e saj prej 73 vitesh, i cili vdiq në prill në moshën 99-vjeçare.
“Këtë vit mungoi një e qeshur e njohur. Ndjenja e tij e shërbimit, kurioziteti intelektual dhe aftësia për të nxjerrë anën pozitive nga çdo situatë ishin të gjitha të papërmbajtshme. Ai vezullim i prapë dhe pyetës ishte po aq i ndritshëm në fund, sa kur i vura syrin për herë të parë.“, tha ajo për princin Filip.
Ajo tha se këtë vit i kuptonte veçanërisht të tjerët që kanë humbur të dashurit e tyre dhe pranoi ndikimin e vazhdueshëm të pandemisë.
“Megjithëse është një kohë e lumturisë së madhe dhe gëzimit për shumë njerëz, Krishtlindjet mund të jenë të vështira për ata që kanë humbur të dashurit. Këtë vit, veçanërisht, e kuptoj pse”, tha ajo.
Ndërsa bënte fjalimin, mbretëresha ishte e ulur në një tavolinë pranë një fotografie të saj me Philip-in në kornizë, të realizuar në vitin 2007 në 60-vjetorin e martesës së tyre.
U vu re gjithashtu re se në fustanin e Krishtlindjeve të kuq të ndezur që kishte veshur mbretëresha, ishte një karficë safiri që ajo kishte vënë më parë në muajin e saj të mjaltit në vitin 1947.
Mbretëresha tha gjithashtu se ishte “krenare” që djali i madh Princi Charles dhe nipi i saj Princi William, po ndiqnin hapat e burrit të saj të ndjerë në “duke marrë seriozisht kujdesin tonë ndaj mjedisit” dhe në veçanti vuri në dukje pjesëmarrjen e tyre në konferencën në Glasgoë, Skoci.
Megjithatë nuk foli për polemikat që goditën familjen në vitin 2021, duke përfshirë intervistën e Princit Harry dhe Meghan me Oprah dhe pretendimet se Princi Andreë ishte përfshirë në abuzim seksual.
“Dhe për mua dhe familjen time, edhe me një të qeshur të njohur që mungon këtë vit, do të ketë gëzim në Krishtlindje, pasi ne kemi mundësinë të kujtojmë dhe të shohim përsëri mrekullinë e sezonit festiv përmes syve të fëmijëve tanë të vegjël, që ne ishim të lumtur të mirëpresim edhe katër të tjerë këtë vit,”
Babai i Mbretëreshës Elizabeth, Mbreti George VI e filloi traditën e fjalimit të Krishtlindjeve në 1932 përmes radios. Ajo e mbajti fjalimin e saj të parë për Krishtlindje përmes radios në 1952 dhe përmes televizionit në 1957 në moshën 26-vjeçare, vetëm disa muaj pas vdekjes së babait të saj dhe para kurorëzimit të saj.
Këto Krishtlindje janë të parat që nga vdekja e Princit Philip, i cili vdiq në prill, dy muaj para ditëlindjes së tij të 100-të.
Discussion about this post