Një marrëveshje e përkohshme armëpushimi që zgjati shtatë ditë ka skaduar pa asnjë lajm nga ndërmjetësi i saj, Katari, për një zgjatje. Izraeli i rifilloi luftimet në Gaza të premten në mëngjes, disa minuta pas përfundimit të armëpushimit, njofton AP.
Gjithsej 83 izraelitë, përfshirë shtetas të dyfishtë, u liruan gjatë armëpushimit, shumica e të cilëve duken fizikisht mirë, por të tronditur.
24 pengje të tjera – 23 tajlandezë dhe një filipinas – janë liruar gjithashtu, duke përfshirë disa burra. Izraeli thotë se rreth 125 burra mbahen ende peng.
240 palestinezët e liruar deri më tani sipas armëpushimit kanë qenë kryesisht adoleshentë të akuzuar për gjuajtje me gurë dhe bomba zjarri gjatë konfrontimeve me forcat izraelite.
Marrëveshja përfundoi pas një jave dhe zgjatjeve të shumta, pavarësisht presionit ndërkombëtar që armëpushimi të mbahet sa më gjatë të jetë e mundur.
Javët e bombardimeve izraelite dhe një fushate tokësore kanë lënë më shumë se tre të katërtat e popullsisë prej 2.3 milionë banorësh të Gazës, duke çuar në një krizë humanitare.
Të paktën gjashtë palestinezë u vranë në Rafah
Të paktën gjashtë palestinezë u vranë të premten në mëngjes në një sulm ajror izraelit në qytetin Rafah, një qytet në Gazën jugore, tha një zëdhënës nga Ministria e Shëndetësisë e drejtuar nga Hamasi për AFP.
Dy fëmijë u vranë në sulmet ajrore në qytetin e Gazës në veri, tha agjencia e lajmeve, duke cituar Fadel Naim, një mjek në spitalin Al-Ahli.
Zyrtari palestinez i tha BBC-së se bisedimet për arritjen e marrëveshjes së armëpushimit po vazhdojnë
BBC-së i është thënë nga një zyrtar palestinez i afërt me bisedimet se ndërmjetësit po vazhdojnë përpjekjet për të arritur një marrëveshje mes dy palëve, edhe pse luftimet vazhdojnë.
Kjo vjen pasi një armëpushim shtatë-ditor midis Hamasit dhe Izraelit skadoi në orën 07:00 sipas orës lokale (05:00 GMT), me ushtrinë izraelite që njoftoi me shpejtësi se luftimet kishin rifilluar. Që atëherë ajo ka goditur disa objektiva në Rripin e Gazës.
Discussion about this post