Bashkia Roskovec është përfshirë në një skandal me pronat, ku akuzohet nga një qytetarë se i ka marrë pronën me forcë. Burimet bëjnë me dije se, toka mbi të cilën është ndërtuar depo e ujit në fshatin Kurjan, i përket familje së Xhemal Xhemalit, por që i është zbatuar nga Bashkia me urdhër të drejtueses Majlinda Bufi. Në përballje për këtë çështje, të dyja palët pretendojnë se toka ku është ndërtuar depo e ujit është e tyre, por asnjë nga palët nuk disponon dokumente për pronësinë e saj.
Megjithatë kryebashkiakia Majlinda Bufi ka acaruar më tej çështjen, pasi duk përdorur pushtetin që posedon terrorizuar familjen e Xhemal Xhemalit. Mësohet se mëngjesin e sotëm në prani të forcave Shqiponja, policisë bashkiake dhe inspektorëve të IMT-s, ka ndërhyrë me fadroma për të marrë pronën ku ndodhet depo e ujit, duke sjellë përplasje mes tyre dhe familjarëve që pretendojnë se prona është e tyre.
Sakaq, bëhet me dije se, bashkia ka shkelur ligjin me këtë veprime që ka bërë sepse ndërhyrja e fadromave në atë pronë për lirimin e depos së ujit është bërë pa një shkresë zyrtare, por me urdhër verbal nga ana e kryebashkiakes Majlinda Bufi. Këtë ndërhyrje e ka cilësuar si të paligjshme edhe inspektori i Mbrojtjes së Territorit në Bashkinë e Roskovecit, Shkëlqim Plaka.
Ndërkaq, bëhet me dije se në regjistrat e Kadastrës jo trokë cilësohet si pronë shtetit, por Xhemali pretendon se edhe ai ka dokumente për pronësinë sepse i është lënë si trashëgimi nga të parët.
