Një efektiv policie në Tiranë është arrestuar mëngjesin e sotëm. Burime bëjnë me dije se bëhet fjalë për policin me iniciale A.T., 54 vjeç, i cili u prangos pasi bashkëshortja e tij ka kallëzuar se e dhunonte prej dy vitesh atë dhe dy fëmijët.
Në njoftimin nga policia dhe dëshmia e bashkëshortes mësohet se efektivi ka ushtruar dhunë fizike dhe dhunë psikologjike në kohë e periudha të ndryshme prej disa vitesh. Po kështu, në dhunën e ushtruar ndaj tyre ka dyshime se punonjësi i policisë ka përdorur edhe armën e shërbimit. Efektivi i policisë do të përballet me akuzën për veprën penale “Dhuna në familje”. Materialet procedurale ju referuan Prokurorisë pranë Gjykatës së Shkallës së Parë Tiranë.
Discussion about this post