Pas skandalit me pagesat marramendëse për punonjësit e tij, Fondi Shqiptar i Zhvillimit është përfshirë në një tjetër aferë korruptive. FSHZH është institucioni i ngritur për t’u ardhur në ndihmë qytetarëve në nevojë, por në fakt i vjedh më shumë ata. Kreu i Fondit nuk nguron që paratë në dispozicion të institucionit, që në fakt duhen investuar tek qytetarët, t’i shpenzojë për interesat e tij. Dhe nuk janë pak para, por bëhet fjalë për një tender 416 milionë lekë. Si shumë institucione të tjera në vend, edhe Fondi i Zhvillimit Shqiptar ka përdorur tenderë për të kryer skemën e abuzimit dhe këto para në fund ja ka dhënë vetës së tij. Por ndryshe nga tenderë të tjerë më të thjeshtë edhe pse me shifra marramendëse, Dritan Agolli ka përdorur një skemë më të gjatë për të humbur gjurmët.
Në tetor të viti të shkuar ai ka hapur një tender “Ndërhyrje për krijimin e produktit autentik ushqimor lokal duke krijuar Menynë e 100 Fshatrave”, me një fond limit prej 41,666,667 lekësh të reja pa TVSH. Për të cilin kanë marrë pjesë në garë tre kompani, por FSHZH ka vendosur që të gostisë me këtë shumë kaq të fryrë dy kompani por që në garë janë futur si një, pra bashkim operatorësh. Ato janë Mascarpone sh.p.k në pronësi të kuzhinierit Alfio Rrotani & Endrit Maci Person Fizik.
Pikërisht këtu fillon dhe thellohet skandali, përveç shkeljes së parë që FSHZH harxhin kaq para që Afio dhe Endriti t’iu mësojnë njerëzve menu autentike, kjo ofertë ka qenë shumë më e lartë se dy të tjerat, duke shkelur kështu një pikë kryesore të ligjit për prokurimet.
Skandali merr përmasa të mëdha, kur dokumentet tregojnë se Alfio punon te restoranti në pronësi të djalit të kreut të FSHZH, Flladi Agolli. Bëhet fjalë restorantin “Bedouin Beach & Bar”, në pronësi të Flladi Agollit, djali i Dritan Agollit, ku Alfio është shef kuzhine. Pra Dritan Agolli fut në garë për tenderin punonjësin e tij dhe në fund paratë shkojnë për biznesin që drejton i biri. Pra e zbardhja e gjithë kësaj skemë tregon se kreu i FSHZH i ka dhënë vetes së tij tenderin 416 milionë lekë, duke përdorur këtë skemë për të mbuluar abuzimin/Esmeralda Hida/
Discussion about this post