Performanca e Ronela Hajatit në Eurovizion 2022 është konsideruar skandal në mediat serbe. “Alo. Rs” e konsideron gjestin e shqiponjës të bërë nga Ronela si një skandal të rëndë. Në artikull, media bënë me dije se Eurovizion e ka të ndaluar që të promovohet politika e një eventi.
Gjithashtu, Ronela Hajati me këngën e saj të titulluar “Sekret” çeli mbrëmjen e kaluar festivalin më të madh muzikor Europian, Eurovision, por nuk është kualifikuar drejt finales.
Në fund të përformancës, ajo pati një falenderim në shqip dhe italisht, teksa bëri edhe gjestin e shqiponjës me duar për të treguar vendin nga vinte, simbolin e shqiptarëve drejtpërdrejt nga Pala Olimpico Arena në Torino, Itali.
Kujtojmë se mbi këngëtaren gjatë 24 orëve të fundit ka pasur një boom komentesh negative, kryesisht për tansformimin që pësoi kënga, për mungesën e tekstit, apo dhe për performancën e Ronelës në skenë. Këngëtarja shqiptare vendosi që të guxojë qoftë me veshjen, qoftë me koreografinë, vendim ky i cili duket se nuk u përkrah nga shumica e publikut shqiptar.
E siç është zakon në raste të tilla, rrjeti kryqëzoi këngëtaren edhe për peshën e saj, që në fakt do të ishte faktori i fundit që ndikonte në performancën e saj.
Discussion about this post