Një rast skandali është konstatuar sot nga policia e Tiranës për bluzat e bardha. Në kuadër të operacionit të koduar “Elektro”, është vënë në pranga një infermiere, e cila i vidhte kartat e identitetit pacientëve në spital, për të marrë kredi në emër të tyre.
Për këtë zhvillim, policia ka arrestuar shtetaset E. B., 39 vjeçe dhe O. H., 32 vjeçe, të dyja banuese në Tiranë, si dhe është proceduar penalisht personi i identifikuar me iniciale A. H.
Policia njofton më tej, se 39-vjeçarja E. B., vidhte kartat e identitetit të pacientëve dhe ato ia dorëzonte shtetases O. H., e cila punonte shitëse në një dyqan shitjesh elektroshtëpiake. Ajo më pas, përdorte këto identitete për të marrë kredi. Sakaq, në cilësinë e provës materiale janë sekuestruar pajisje të ndryshme elektroshtëpiake me vlerë rreth 40. 000. 000 lekë.
