Avokati Esmerald Xhafa ka denoncuar një skandal në bashkinë e Kolonjës! Përmes një postimi në rrjetet sociale, Xhafa ka publikuar disa dokumente, ku tregohet se stafi i bashkisë është shpallur i pastrehë. Sipas dokumenteve të paraqitura më poshtë, Enea Jorgji, i cili mban postin si drejtor i ujësjellsit dhe bashkëshortja e tij, e cila punon si sekretare e Këshillit Bashkiak janë shpallur si të pastrehë.
Por, nuk mbaron vetëm më kaq! Petro Kristo, i cili ka pozicionin si drejtor pyjor dhe bashkëshortja e tij që punon në bashki janë po ashtu të pastrehë. Gjithashtu edhe Administratori i Njësisë Administrative të Leskovit, Leonard Konica është shpallur i pastrehë.
“Ky është turpi i rradhës. Të gjithë punonjësit e Bashkisë Kolonjë duke nisur nga Zv.Kryetari paskan qenë të pastrehë. Nisur nga ky turp dhe qokë e rradhës do nis kallëzim të ri në SPAK, i treti për këta abuzues të paskurupullt me pushtetin. Do vijë një ditë që do ti villni të gjitha, sa për Ilustrim.
Enea Jorgji – drejtor i ujësjellsit.
Bashkëshortja e Eneas është sekretare këshillit bashkiak.
Petro Kristo është drejtor pyjore,bashkëshortja punonjëse në Bashki.
Leonard Konica Administrator i Njësisë Administrative Leskovik.
Dhe gjithë të tjerët me rradhë”, shkruan Xhafa.
Sipas dokumenteve të mëposhtme, emrat tyre janë miratuar si pjesë e listës së personave që përfitojnë programe strehimi social nga kryebashkiaku Erion Isai. Isai aktualisht po hetohet nga Prokuroria e Posaçme, për dy çështje të tjera që lidhen me abuzime me fondet e rrugëve dhe një ujësjellësi në këtë bashki.
Discussion about this post