Skandal në Finiq/ Zhupa: Fletët e votimit po dalin jashtë, të bllokohet QV

Drejtuesja politike e PD për Sarandën, Ina Zhupa, ka denoncuar një situatë të rëndë në fshatin Dhivër, QV 4695, Bashkia Finiq.

Ajo kërkon bllokimin e menjëhershëm të kësaj qendre votimi dhe njofton policinë e KZAZ për veprim sipas ligjit. Sipas informacioneve të Partisë Demokratike, Dhimitër Llajo, kushëriri i kandidatit të PS, Vasil Llajo, ka nxjerrë fletën e votimit jashtë dhe po udhëzon votuesit. Zhupa paralajmëron se të gjithë shkelësit do përballen me ligjin.

Ajo denoncon edhe veprimet e patronazhistëve pranë QV 4664, në ambientet e “SOS BAR” në Sarandë. Sipas saj, ata kanë lista me ID dhe të dhëna personale të marra në mënyrë të paligjshme. Qëllimi i tyre është intimidimi dhe monitorimi i votuesve. Zhupa thekson se edhe patronazhistët janë të monitoruar dhe do të marrin përgjigjen e merituar.

Postimi i Zhupës:

Fshati Dhivër, QV 4695, Bashkia Finiq!
PD kërkon menjëherë bllokimin e qendrës! Njoftojmë policinë dhe KZAZ për marrjen e vendimeve përkatëse sipas ligjit.
Informacioni që na vjen është se Dhimitër Llajo, kushëriri i kandidatit të PS Vasil Llajo, ka nxjerr fletën e votimit jashtë dhe udhëzon zgjedhësit.
Të gjithë do përballen me ligjin.
Larg duart nga vota e qytetarëve, do ikni me turp.

Patronazhistet në aksion!
Me lista me numër id dhe të dhëna personale të marra në shkelje të ligjit, qëndrojnë pranë qëndrës së votimit  4664, përkatësisht SOS BAR në Sarandë, për të intimiduar dhe monituar zgjedhësit.
Ta dinë patronazhistet se janë të monituara dhe do e marrin përgjigjen e merituar.