Katër fëmijë të një jetimoreje në Greqi janë abuzuar seksualisht. Zëvendësministrja e Punës dhe Çështjeve Sociale, Domna Michailidou, ka bërë një zbulim tronditës, duke thënë se hetimi i prokurorit publik është urdhëruar pas akuzave për abuzim të fëmijëve dhe dhunë seksuale në një jetimore në Atikë. Michailidou zbuloi në një stacion televiziv se kishte marrë një letër personale në lidhje me abuzimin e fëmijëve në një jetimore në Atikë.
Djem të moshës 7-11 vjeç u detyruan të kryenin akte seksuale me njëri tjetrin, nga stafi i jetimores. Lidhur me këtë skandal, janë vënë në pranga 3 punonjëse gra.
Madje, tre persona konkretë të lidhur me këtë strukturë, jo vetëm denoncuan përdorimin e dhunës ndaj fëmijëve, por folën edhe për marrëdhënie seksuale mes të miturve në prani të punonjësve, si dhe për sjellje të tjera banale.
“Gjëja e parë që bëra ishte që shkova sërish në Prokurori, e raportova në Zv.Prokurorin për Mbrojtjen e Fëmijëve dhe menjëherë më pas mblodha fonde për këtë strukturë dhe organizova një auditim bashkë me Autoritetin Kombëtar të Transparencës”, nënvizoi zv.ministrja e Punës dhe Çështjeve Sociale.
Njëkohësisht, ajo vuri në dukje se kontrolli nis nga kjo strukturë, por në muajt në vijim, janar dhe shkurt do të shtrihet në të gjithë vendin.
“Do të nisemi me inspektime në të gjithë vendin, që ekspertët të ekzaminojnë të gjithë, fëmijë për fëmijë”, shtoi ajo.
Michailidou ka njoftuar se katër fëmijët për të cilët ka pasur një ankesë specifike se janë abuzuar, janë larguar nga objekti, për t’u ekzaminuar nga specialistët e afërt në spitalin e Fëmijëve.
“Këta fëmijë janë ekzaminuar, të gjithë të tjerët janë ekzaminuar nga ekspertët, Autoriteti Kombëtar i Transparencës ka kontrolluar administratën, hetimi nga prokuroria është në vijim dhe njëkohësisht është ngrirë financimi”, përfundoi ajo.
Discussion about this post