Me një vëzhgim të thjeshtë në treg mund të kuptosh shumë për cilësinë e djathit edhe nga çmimi. Sa herë që ju drejtuam dyqaneve për të blerë djathë, vetë shitësit nuk na i rekomandonin djathin me çmimin e ulët.
Por edhe nga provat rezultoi se djathi me çmimin e ulët kishte në përbërjen e vetë niseshte. Pra nuk kishte elementë ushqyes si djathi natyral, për të cilën në fakt e blejnë konsumatorët.
Përveç djathit ne mund të provojmë në shtëpi edhe kosin dhe qumështin sa u përket parametrave ushqimorë. Një mënyrë është që me kosin e zënë nga qumështi i fshatarëve të provojmë të kthejmë në kos qumështin industrial që blejmë në markete.
Qumështi që nuk do të zihet kos nuk ka elementët ushqyes. Nga prova e bërë rezultoi se mostra e parë është si një masë ngjitëse, pra nuk ka formën e kosit. Qumështi i dytë është kthyer gjithashtu në një masë ngjitëse por jo në formën e kosit. Edhe mostra e tretë që kemi marrë përsëri është kthyer në një masë ngjitëse por jo në formën e kosit.
Qumështi i katërt është ai që u zu më mirë kos. Pra, nga 4 prodhues të mëdhenj që shpërndajnë produktet në të gjithë vendin, prova sugjeron se 3 prej tyre nuk kanë elementët ushqyes. Thënë më thjesht, ky është një mashtrim me bulmetin që konsumojmë./TCH/
Discussion about this post