ISP ka monitoruar Kuvendin, por në kushtet e reja të imponuara nga Kuvendi, monitorimi ndiqet online nga pamjet e ofruara nga vetë regjia qendrore e Kuvendit. Në votimin e tyre morën pjesë 110-111 deputetë, por pamjet zyrtare nga seanca tregojnë se votimi mbetet akt formal dhe se institucioni i seancës edhe më formal.
Vetëm 5 deputetë + drejtuesi i seancës rezultojnë të pranishëm në sallë në momentin e njoftimit të rezultateve të votimit!
Konkretisht, në orën 10 seanca nis me 13 deputetë në sallë + 3 ministra + drejtuesi, vijon diskutimi pas disa orësh me vetëm 11 deputetë në sallë, nga të cilët 1 po ikën jashtë, vazhdon në mesditë diskutimi me vetëm 14 deputetë, gjatë pasdites ulet numri i deputetëve prezent në 11, në pasditen e vonë mbeten vetëm 7 deputetë dhe 2 ministra dhe në mbrëmje në momentin kur lexohen rezultatet e votimit në sallë rezultojnë vetëm 5 deputetë, ndërkohë që në sallë ka mbetur vetëm 1 ministër.
Pjesa tjetër e 85-90 deputetëve që morën pjesë në votim por që nuk ishin në sallë gjatë seancës dhe pjesa e mbetur e 14-15 ministrave, kanë gjykuar se kanë kanë punë më të rëndësishme sesa parlamenti! Nga monitorimi i medieve sociale rezulton se gjatë kohës se seancës shumë prej tyre i sheh në takime partie, në restorante me miq, në ndonjë studio televizive apo në relaks me miq e kolegë.
Discussion about this post