Nuk kanë fund skandalet me tenderat dhe qoka e radhës vjen nga Autoriteti Portual i Durrësit për ish-Drejtorin e shkarkuar Artjan Qirici, që ka përfituar një tender me vlerë 75 milionë lekë të vjetra pa TVSH nëpërmjet kompanisë së tij “Durrës Shipchandler Agency” shpk.
Tenderi me numër reference REF-16668-12-29-2021, me objekt “Blerje pajisje profesionale FSPD, PMNZH dhe polumbaret” është fituar nga kompania e Artjan Qirici duke u skualifikuar dy kompanitë e tjera pjesëmarrëse.
Por në 8 mars Ewis Company shpk ka bërë ankesë pranë Komisionit të Prokurimeve Publike për arsyet e skualifikimit dukë kërkuar kualifikimin e ofertës së saj dhe skualifikimin e kompanisë fituese “Durrës Shipchandler Agency” shpk.
Në 18 mars, KPP-ja ka vendosur të mos pranojë ankesën e Ewis Company shpk dhe ka lejuar APD-në të vijojë me hapat e mëtejshme të procedurës së prokurimit.
Kujtojmë se shkarkimi nga detyra i Artjan Qiricit bëri bujë sepse qendroi vetëm 4 muaj në detyrë si Drejtor i Përgjithshëm i Portit për t’u shkarkuar në 23 shkurt 2018, 5 ditë para se 613 kilogramë kokainë të bllokoheshin në Maminas. Urdhri për zëvëndësimin e Qiricit erdhi si “rrufe në qiell të hapur”, raportuan mediat. Asokohe ish-kryeministri Sali Berisha deklaroi në facebook se Qirici u shkarkua nga posti se nuk pranonte të firmoste për kontenierin e famshëm të ngarkuar me 613 drogë.
Discussion about this post