Në një kohë kur rastet e infeksioneve me COVID-19 në vend janë rritur sërish, qendrat shendetësore ngelen pa mjekë.
Dhjetra qytetarë, kanë pritur me orë të tëra që nga orët e para të mëngjesit në qendrën shëndetësore nr 2 të Tiranës për të kryer vizita mjekësore, pranë mjekut të familjes, por pa rezultat.
Shkak është bërë mungesa e mjekëve, për një periudhë pothuajse dy mujore, ku në shërbim të pacientëve është në dispozicion vetëm një mjeke. Pensionistë, e pacientë të shumtë, janë paraqitur çdo ditë në dyert e kësaj qendre për të kryer vizitën e për t’u pajisur me ilaçe nga mjeku familjar, por përgjigja që marrin është “nuk e dimë, eja nesër, s’kemi çfarë të bëjmë”.
Ata shprehen se kjo situatë, do të vazhdojë për aq kohë sa doktorët të rikthehen në zyrat e punës, ose të zëvendësohen.
Gijotina.com ka siguruar pamje nga qendra, ku ka patur edhe një përplasje mes mjekes dhe pensionistëve të cilët presin në radhë më orë të tëra për të marrë rekomandimet mjekësore e për t’u pajisur me ilaçe.
“Unë nuk ia dal dot, unë jam një e vetme zonjë”, dëgjohet të thotë mjekja.
“Unë dua të marr ilaçet e pensionit, pse nuk iu zëvendësojnë, kur nuk janë”, është shprehur pensionistja.
“Erdha në mëngjes, eja në orën 1 më thanë, erdha, jo thanë hajde nesër, hajde pasnesër”, ka thënë një tjetër.
Ata shprehen se nuk punon sistemi e zyrat e doktorëve janë, bosh. Një doktor i vetëm sipas tyre, nuk mund të vizitojë dhjetëra pacientë që presin në radhë, e kthehen ditën tjetër në po të njejtën situatë.
“Nuk punon sistemi, ja tani ajo mbaron turnin ikën, të vij prap nesër unë pa marrë ilaçe”, është shprehur qytetarja.
Discussion about this post