Kryetarja në detyrë e Bashkisë së Durrësit, Emirjano Sako është larguar nga mbledhja e komisionit Hetimor në mes të procedurës së marrjes në pyetje. E gjendur ngushtë nga pyetjet e opozitës, Sako është ngritur nga karrigia dhe është larguar në mes të mbledhjes.
Pas largimit të saj, kryetarja e komisionit, Jorida Tabaku ka kërkuar të ngrihet një padi ndaj Sakos pasi refuzoi të dëshmonte, duke thënë se përgjigjet do t’i marrin më 6 mars.
Emirjana Sako: Arroganca e injoranca janë në kushte ekstreme, unë s’kam më punë në këtë komision se ke dalë tërësisht e këtu s’ka asnjë komunikim etik, zoti Dako është ish kryetar Bashkie nëse do mund ta thërrisni të dëshmojë jeni komplet jashtë objektit të komisionit hetimor. Më 6 mars do e merrni përgjigjen.
Ina Zhupa: Zonja Dhima, e kuptoj që të shqetësoi se ajo e pranoi këtu që ka shkelur ligjin, por kini durim.
Emirjana Sako pas deklaratës së Ina Zhupës: Jeni duke shpifur.
Në këtë moment Sako u largua nga Komisioni.
Ina Zhupa: Uluni aty.
Jorida Tabaku: I kërkoj juristëve të paraqesin kallëzim penal për zonjën Sako që refuzon për të dëshmuar.
Më herët, kryetarja ka pasur vështirë për t’iu dhënë përgjigje pyetjeve të opozitës, pasi kishte mungesë informacioni, ndërsa vazhdimisht komunikonte në telefon duke ngjallur aludime se përgjigjet po i drejtonte dikush tjetër. E zënë ngushtë, Sako u largua me arrogancë nga mbledhja duke harruar që është aty për të justifikuar pagën që merr nga taksapaguesit shqiptarë.
Discussion about this post