Koncesionari i Check-up vazhdon të jetë i privilegjuari i qeverisë edhe pse nuk ofron shërbimin që detyrohet. Vazhdimisht KLSH ka raportuar se dhe në viti e mëparshme ky koncesionar ka marrë fond edhe pse nuk ka kryer kontrollet sipas numrit që përcaktohet në kontratë. Ndërsa në vitin që lamë pas ky shërbim u pezullua për shkak të koronavirusit, por sërish atij i është akorduar një fond me miliona lekë.
Këtë e ka pranuar vetë Ministria e Financave përmes raportit vjetor për koncesionet. Në raport thuhet saktësisht se gjatë 2020 shërbimi i check-up është ofruar vetëm pak ditë në fillim të viti dhe pak ditë në shtator, më pas u pezullua sërish. Ndërsa në total kanë kryer kontroll vetëm 101 mijë persona, por koncesioanri ka marrë mbi 322 milionë lekë.
Ndërsa për koncesionarët e tjerë që nuk kanë kryer shërbim, pra janë pezulluar, qeveria ka bllokuar dhe alokimin e fondit për ta, ndërsa për koncesionarin e check-up ka ndodhur e kundërta.
“Aktualisht, për shkak të kushteve të krijuara nga pandemia, kjo kontratë është ndërprerë. Rreziku i kërkesës mund të parashikohet i lartë në rastin e këtij shërbimi dhe për këtë arsye është mbajtur nga autoriteti një pjesë e riskut duke garantuar një mbështetje financiare koncesionarit deri në 475.000 kontrolle në vit. Pjesa më e konsiderueshme e riskut është mbajtur nga partneri privat i cili ka detyrimin të garantojë ofrimin e shërbimit për të gjithë qytetarët e grupmoshës 35-70 vjeç.
Megjithatë për vitin 2020, për shkak të pandemisë Covid-19 kjo kontratë koncesioni pezulloi operimin e saj në datën 17.03.2020, në zbatim dhe përputhje me masat të marra. Pas rifillimit disa-ditor gjatë muajit Shtator, kontrata u rindërpre me qëllim hartimin e modaliteteve dhe protokolleve përkatëse në kushtet e pandemisë”, thuhet në raport.
Ndërkohë tjetër fakt që bie në sy është se, edhe për këtë vit ky koncesionar nuk ka filluar plotësisht punën e tij, por pavarësisht kësaj, qeveria i ka akorduar një fond prej 876 milionë lekësh.
E.H/ gijotina.com/
