Një tjetër skandal regjistrohet te Universiteti i Mjekësisë në Tiranë, ku skenat e publikuara ngjasojnë me ato të filmit “Lulëkuqet mbi mure”.
Pas skandalit të parë ku shfaqen pamjet e shpërndarjes së çelësave të dhomave në konvikt, këtë rradhë, në focus është mënyra se si shpërndahen bluzat e bardha te studentët e vitit të parë.
Bluzat e bardha u janë hedhur studentëve nga larg, nga administratori i magazinës, sic edhe mund të shihet nga pamjet e publikuara nga JOQ.
Ashtu si në rastin e shpërndarjes së çelësave të dhomave të konviktit edhe në rastin e bluzave të bardha nuk ka asnjë reagim nga Rektori i Universitetit të Mjekësisë apo stafi drejtues i këtij universiteti.
Por pamjet tregojnë se sa pa dinjitet trajtohen mjekët e ardhshëm, të cilët edhe për një bluzë të bardhë, që e kanë të detyrueshme për ta mbajtur, duhet të stërviten, njëlloj si ato “qentë” që zakonisht i stërvisin në parqe për të kapur shkopinj ose topa.
Dhe skenat ndodhin në ditën e parë të shkollës për ata që nisin rrugëtimin e gjatë për tu bërë mjekë të ardhshëm…
Discussion about this post