Teksa u bëjnë apel qytetarëve për të qenë të rregullt me detyrimet e shtetit, si për ironi të fatit Bashkia e Tiranës vazhdon të jetë institucioni më problematik sa i përket pagimit të detyrimeve. Sipas burimeve në buxhetin e vitit të shkuar, Bashkia e Tiranës rezulton se në fund të muajit dhjetor stoku i faturave të papaguara shkon në 6.9 miliardë lekë ose rreth 5.6 milionë euro.
Në draftin e paraqitur për tu diskutuar në Kuvend, Bashkia e Tiranës ka 762 mln lekë detyrime, ndërsa e vetmja që i afrohet është Bashkia e Kavajës me vlerën rreth 728 milion lekë, ndërsa e treta renditet Vlora me 703 milion lekë.
Janë detyrimet për investime ato që do të rëndojnë më shumë buxhetin e bashkive në vitet e ardhshme, por më pas nuk mbesin as vendimet gjyqësore.
Ndërkohë që për punën e kryer dhe të papaguar në të 61 bashkitë e vendit detyrimi shkon në 30 milionë euro, ndërsa për vendimet e gjykatave, pushteti vendor duhet të shlyejnë më shumë se 5.6 milionë euro.
