Çudirat nuk kanë fund në Tiranë. Pas autobusit Go Green që përfundoi në Lumin Lana, një tjetër autobus i linjës së kryeqytetit është përfshirë në aksident. Bëhet fjalë për autobusin e linjës së ‘Qytet Studentit’, ku ky i fundit është përplasur me stacionin e pasagjerëve.
Fatmirësisht nga përplasja nuk ka pasur persona të lënduar mirëpo shihet qartë që mjeti ka pësuar dëmtime të shumta.
Mirëpo kjo nuk mbyllet me kaq. Siguria e qytetarëve është e cenuar. Pak më para disa imazhe kanë ardhur në redaksinë e Gijotina.com, ku shihet qartë që një autobus i linjës së Porcelanit, transportonte qytetarët me dyert hapur.
Të tilla raste kanë ndodhur dhe më herët, ku duhet një thirrje e fortë për ndërgjegjësimin e shoferëve të autobusit apo dhe faturinove të cilët duhet të tregohen më të kujdesshëm gjatë transportit të qytetarëve për të shmangur aksidentet.
Discussion about this post