Mandati i tretë i kryeministrit Edi Rama ka ndryshuar modelin e prezantimit në publik, me manovra të reja propagande. Ministri i Brendshëm Bledi Çuçi ka marrë të gjithë vëmendjen e medias në momentin kur deklaroi se me marrjen e statusit të Dëshmorit të Atdheut, familja e nënkomisarit të vrarë, Saimir Hoxha do të trajtohet me ndihmë financiare nga shteti.
Por përtej mesazhit të ministrit, në sy ra edhe mënyra e prezantimit të asaj që ishte biseduar në mbledhjen e Këshillit të Ministrave. Rreshtuar në derën e Kryeministrisë si “robotë”, të gjithë ministrat e kabinetit Rama 3, prezantuan pasi parakaluan në tapetin e kuq, përfundimet e mbledhjes së Këshillit të Ministrave.
