Sado që të bëjnë ligje kundër shfaqjes ose promovimit të simboleve e ideologjive nacional-socialiste, si dhe të integrojnë të huajt në përfaqësueset e tyre në çdo sport e jo vetëm, gjermanët nuk i ndahen dot, “origjinës” së tyre.
Për herë të dytë brenda muajit janë zbuluar imazhe naziste në një tjetër grup brenda strukturave të sigurisë gjermane. Zyrtarët e Recklinghausen janë të shqetësuar nga ky incident. Mediat e huaja shkruajnë se prokurorët në Gjermani kanë zbuluar përmbajtje të paligjshme, duke përfshirë simbolet naziste në mesazhet e tyre që përfshijnë pesë oficerë nga tre rrethe të ndryshme policie.
Zbulimi u bë pas kërkimeve në rajonin e Rhine-Westphalian. Sipas mediave shkruhet se pjesë e këtij grupi janë pesë burra të moshës nga 22 deri në 25 vjeç, të cilët dyshohet se kanë shkëmbyer simbole naziste në biseda dhe kanë zotëruar pornografi me fëmijë gjatë trajnimit të tyre, sipas Annette Milk, kryeprokurorja publike që heton rastin.
Tre nga të akuzuarit i përkasin selisë së policisë në Recklinghausen dhe nga një autoriteteve policore në Kleve dhe Borken. Sipas Milk, ata hasën në këto biseda gjatë hetimeve ndaj një të dyshuari të gjashtë. Zyra e prokurorit publik e ka akuzuar tashmë ish-oficerin e policisë për shkëmbimin e simboleve ekstremiste të krahut të djathtë dhe posedim e shpërndarje të materialeve pornografike për fëmijë. Pas përfundimit të trajnimit, ai punoi për një kohë të shkurtër në komisariatin e policisë.
Ndërkaq kujtojmë se në korrik, policia e Nordrhein-Westfalisë ka pezulluar ose ndëshkuar 105 incidente të sjelljeve ekstremiste të krahut të djathtë gjatë gjashtë viteve të fundit.
Discussion about this post