Edi Rama ka shkarkuar sot nga detyra Mirlinda Karçanajn, e cila ndodhet në masë sigurie “arrest shtëpie” për skandalet me tenderat e AKSHI-t. Bëhet me dije se në vend të saj është emëruar Igli Tafa.
Igli Tafa ka mbajtur më parë postin e drejtorit në Autoriteti Kombëtar i Sigurisë Kibernetike. Ai konsiderohet si një nga njerëzit e afërt Belinda Ballukut në fushën e sigurisë kibernetike dhe ka administruar fonde të konsiderueshme publike në këtë sektor
Vendimi vjen në një moment kur SPAK është duke hetuar për 12 procedura tenderuese, në vlera të konsiderueshme që lidhen me mirëmbajtjen e serverave të institucioneve të rëndësishme.
Nga hetimet rezulton se kriteret e tenderave janë paracaktuar nga kompanitë që garonin dhe në këtë mënyrë, ata arrinin të fitonin edhe milionat.
Që prej arrestit shtëpiak, Karçanaj funksionet ia kishte deleguar vartëses së saj, Romina Kostanit, drejtoreshë e Drejtorisë së Koordinimit të Agjendës Digjitale dhe projekteve e-Gov me Fondet e Huaja.
Discussion about this post