Prokuroria e posaçme do të dëgjojë si dëshmitar në gjyqin ndaj kompanisë së ish drejtorëve të bashkisë së Tiranës edhe ministrin aktual të shtetit për pushtetin vendor Arbjan Mazniku.
Ky i fundit sipas prokurorisë së posaçme në kohën që ka qenë nen kryetar i bashkisë Tiranë, ka firmosur disa prokurorinë publikë për kompaninë 5D konstruksion.
Një tjetër drejtor i besuar i kryebashkiakut të arrestuar që do të dëshmojë para gjykatës së posaçme është edhe Elton Kacidhja.
Sipas burimeve ky i fundit, rezulton se ka komunikime të vazhdueshme me Nestor Muhametllari, pronari në letra i kompanisë “5D Konstruksion”. Bisedat kanë të bëjnë me prokurime publike ne kohën kur Kacidhja ishte drejtor i UKT Tiranë.
Pjese e thirrjes si dëshmitar do të jetë edhe Dritan Kadiu, Elvin Tivari dhe Gazmend Haxhija. Këta të tre së bashku sipas SPAK kanë një të përbashkët, ndërtimin e një hoteli me 5 yje në Durrës.
Kompania e shpallur investitor strategjik është në pronësi të Bledar Tivatit, pronar ekspozuar me një përqindje modeste dhe pa historik biznesi, si dhe në pronësi të 4 kompanive si: “Etitur”, “Daktur”, “Restur” dhe “LANDWAYS INTERNATIONAL”, me pronar Redi Molla, Dritan Kadiu, Elvin Tivari dhe Gazmend Haxhia.
Ndërkohë si subjekt ndërtues në këtë hotel është pikërisht kompania “5D Konstruksion” me pronar të dyshuar fiktiv nga SPAK, Nestor Muhametllari.
Në gjykatë do të thirret në rolin e kallëzuesit edhe deputeti i partisë demokratike Belind Këlliçi. Ky i fundit shpesh herë ka bërë publike kontrata dhe fatura që tregonin së pas skemës 5D konstruksion ishin pikërisht drejtorët e bashkisë Tiranë.
Discussion about this post