Avokatët mbrojtës të kryebashkiakut të arrestuar për korrupsion dhe pastrim paarsh Erion Veliaj do të zhvillojnë sot një konferencë për shtyp me gazetarët, në orën 14:00 por pa prezencën e kamerave, një akt skandaloz dhe censure.
Skandali qëndron në faktin që gazetarët do të lejohen të marrin pjesë në konferencë por të mos kenë kamera, pra do të zhvillohet me kamerat e regjisë së Bashkisë.
E gjitha kjo bëhet që më pas planet, pyetjet, përgjigjet të shpërndahen sipas dëshirës së avokatëve mbrojtës të Veliajt.
Pra ato pyetje nga gazetarët që nuk do të duan t’i transmetojnë do t’i censurojnë. Po ashtu dhe përgjigjet.
Një censurë e paparë dhe e padëgjuar më parë.
Mosmarrja e kamerave në konferencë ka vetëm një qëllim, që ata të fokusohen ku duan, ndaj sulmit të prokurorëve dhe gjyqtarëve pasi këto janë veprimet e fundit që vijnë disa ditë para vendimit të Apelit për Veliajn.
Ky është një skandal i vërtetë në etikën gazetareske dhe në censurë, ku një pjesë e mirë e gazetarëve kanë bërë thirrje që të bojkotohet, por duke qenë se një pjesë e mirë e televizioneve janë të kapur nga Veliaj, kjo propagandë do të transmetohet kur t’u dërgohet kaseta e gatshme nga stafi i Veliajt.
Kujtojmë se Veliaj është një prej politikanëve që njihet për “kasetat e gatshme”, madje edhe kur u arrestua nga SPAK, në televione po jepej “live” aktiviteti i kryebashkiakut në përurimin e një kopshti në Yzberisht.
Discussion about this post