Mazhoranca do ta zvarrisë heqjen e mandatit për Belinda Ballukun deri pas marrjes së vendimit të Gjykatës Kushtetuese për pezullimin e zëvendëskryeministres nga detyra. Sipas burimeve, kjo ka qenë porosia që kanë marrë Taulant Balla dhe Niko Peleshi, të cilët ndërprenë mbledhjen e Këshillit të Mandateve pa dhënë sqarime se kur do të mblidhen sërish. Ata kanë deklaruar se do të presin vendimin e Gjykatës Kushtetuese më parë, e më tej do të ‘flasin’ për kërkesën e heqjes së imunitetit të deputetes.
Taulant Balla, mësohet se gjatë mbledhjes së sotme të Këshillit të Imuniteteve, ka folur për një rast të Lulzim Bashës, gjatë kohës që ka qenë ministër.
Balla solli në vëmendje precedentë të mëparshëm të Kuvendit, ku kujtoi se Këshilli i Mandateve ka pasur raste kur ka marrë deri në 75 ditë kohë për shqyrtimin e një kërkese, duke përmendur konkretisht rastin e Lulzim Basha, asokohe ish-ministër, lidhur me çështjen e rrugës Durrës-Kukës.
Sipas tij, kërkesa kishte mbërritur në Kuvend më 15 tetor 2007 dhe u votua në seancë plenare vetëm më 27 dhjetor 2007.
gijotina.com/
Discussion about this post