Skandali, Drejtoresha e shkollës bën fushatë për Rakip Sulin – VIDEO

Zgjedhjet e 14 Majit kanë bërë që qeveria të përdorë administratën dhe punonjësit e zyrave të shtetit në funksion të fushatës.

Skandali i radhës është regjistruar në një shkollë në Paskuqan  ku drejtoresha e shkollës 9-vjeçare “Lidhja e Prizrenit” ka mbledhur nxënësit dhe maturantët e gjimnazit “Isa Boletini” në një party dhe bën fushatë për Rakip Sulin. Festa ka qenë e organizuar nga kandidati i Edi Ramës. PS ka rekrutuar edhe mësues e drejtorë të shkollave për t’i shërbyer zgjedhjeve.

Video është publikuar nga Syri.net, në të cilin shfaqet drejtoresha e shkollës teksa mban fjalim politik dhe kërkon vota për Rakip Sulin.

E çuditshme është se krahas maturantëve të cilët votojnë këtë vit, drejtoresha e PS ka mbledhur edhe nxënës të klasave të IX, X, XI të cilët nuk kanë të drejtë vote.

Por mesaduket për shkeljet e ligjit dhe të Kodit Zgjedhor, eksponentët e mazhorancës nuk shqetësohen, sepse ata ligjin e trajtojnë si duan vetë.