Kontabilisti Fabio Petruzzella, një nga bashkëpunëtorët e biznesmenit Rezart Taçi është lënë në burg me akuzën e pastrimit të parave, duke pranuar kërkesën e Prokurorisë së Palermos.
Gjykata italiane ka hedhur poshtë kërkesën për arrest shtëpiak të avokatëve të tij.
Kujtojmë se, kontabilisti u arrestuar së bashku me Zummon një biznesmen 90 vjeçar nga Palermo, partner i ish-kryebashkiakut mafioz Vito Ciancimino, i cili gjithashtu u akuzua për pastrim parash. Petruzzella, krahu i djathtë i ndërtuesit, kishte rol kyç në këtë skemë, duke i shpëtuar nga konfiskimi, 19 milionë eurove të transferuara në një llogari bankare në Tiranë.
Në hetim është përfshirë edhe një grup shqiptarësh që dyshohet se kanë ndihmuar Zummon dhe bashkëpunëtorët e tij në operacionet e tyre financiare.
Taçi është shpallur në kërkim nga autoritetet shqiptare.
Discussion about this post