Kreu i grupit parlamentar të Partisë Demokratike, Gazment Bardhi, ka reaguar ashpër në lidhje me projektin e Aeroportit të Vlorës, duke e cilësuar si një “megaaferë korruptive” që, sipas tij, po cënon sigurinë kombëtare të vendit.
Përmes një postimi në rrjetet sociale, Bardhi akuzon kryeministrin Edi Rama dhe zëvendëskryeministren Belinda Balluku si përgjegjës për atë që e quan “një aferë gjigande financiare pa precedent në 35 vitet e fundit”.
“Korrupsioni me Aeroportin e Vlorës ka kaluar çdo kufi të imagjinueshëm edhe për vendet e botës së tretë. Kjo aferë është kthyer në rrezik të drejtpërdrejtë për sigurinë kombëtare. Edi Rama dhe Belinda Balluku mbajnë përgjegjësinë për këtë kryeaferë,” shkruan Bardhi.
Postimi i Bardhit
Korrupsioni me Aeroportin e Vlorës ka kaluar çdo kufi të imagjinueshëm edhe për vendet e botës së tretë. Një aferë gjigande financiare është shndërruar në rrezik të drejtpërdrejtë për sigurinë kombëtare. E pangjashme me asgjë më parë në këto 35 vjet, kjo megaaferë ka dy përgjegjës: Edi Ramën dhe Belinda Ballukun. Prandaj këta duan një opozitë memece në Kuvendin e Shqipërisë. Prandaj këta nuk duan as debat, as kontroll parlamentar, as pyetje, asgjë që i gërvisht aferat monstruoze të kësaj Qeverie.
I siguroj Edi Ramën dhe Belinda Ballukun se opozita nuk do të lejojë degradimin e Kuvendit dhe shndërrimin e tij në një organizëm memec, që kurdiset sipas interesit të Edi Ramës. Do të reagojmë, do të protestojmë në mbrojtje të funksionimit demokratik të Kuvendit dhe në mbrojtje të interesit publik. Gjithashtu, e siguroj Belinda Ballukun se me kryeaferën, që mban firmën e saj “Aeroporti i Vlorës”, do të merremi me seriozitetin më maksiamal.
gijotina.com/
Discussion about this post