Detaje të reja janë publikuar rreth rrëfim-deklaratës së Francesco Giorgit, partnerit të Eva Kailit, i cili u arrestua së bashku me të dhe dy persona të tjerë për Katar-Gate.
Sipas botimit, Giorgi, i cili konsiderohet si një nga figurat kryesore në hetimin e autoriteteve belge për skandalin e korrupsionit që tronditi Parlamentin Evropian, u zbërthye në marrjen në pyetje të tij të shtunën e kaluar.
“Ai foli për dhjetë orë duke e detyruar kryeprokurorin e hetuesisë që të shtyjë marrjen në pyetje të personave të mbetur për ditën e nesërme. Ai përmendi emra dhe mbiemra, dha shpjegime, tha se kujt dhe nga kush janë trafikuar paratë nga OJQ Fight Impunity (e themeluar edhe nga i akuzuari për Katargate, ish-deputeti italian Antonio Panzeri), ai iu referua donacioneve të mëdha që përfshinte nobelistë, ish komisionerë dhe ish-kryeministra”, raporton Corriere.
Giorgi ka marrë përgjegjësinë e plotë për paratë e gjetura në kartëmonedha 20 dhe 50 euro, duke zbatuar, siç theksohet, “strategjinë e Eva Kaili”, të ndajë njërën nga tjetra duke u përpjekur të shpëtojë atë që duhet të humbasë më shumë.
Giorgi pranoi faktet, ku tha se vetëm ai i mori paratë e gjetura në apartamentin në qendër të Brukselit ku jetonte me Eva Kailin dhe pikërisht nga këto para disa u gjetën në valixhen e babait të eurodeputetes greke kur ai u ndalua nga policia jashtë hotelit Sofitel në kryeqytetin belg më 9 dhjetor.
Gazeta italiane nxjerr në pah edhe hetimin e dytë ndaj Eva Kailit, i cili u bë i njohur pasditen e së enjtes për mashtrim ndaj buxhetit të BE-së, në lidhje me menaxhimin e kompensimit parlamentar dhe në veçanti për shpërblimin e asistentëve të akredituar parlamentar.
Në fund, publikimi përmend hetimin e nisur në Athinë nga Prokuroria Ekonomike për krimet e ryshfetit dhe pastrimit të parave nga Eva Kaili, me kusht që eurodeputetja të mos ndiqet penalisht në Belgjikë për të njëjtat fakte.
Discussion about this post