Ish-kryetari i Partisë Bindja Demokratike, Astrit Patozi ka reaguar pas skandalit të publikimit të pagave të qytetarëve. Përmes një postimi në Facebook ai shprehet se kjo qeveri ka thyer çdo limit dhe kjo tregon që në kemi ndërtuar një shtet prej letre. Ndërsa ironizon situatën duke e krahasuar me “Big Brother Vip”.
“Kemi ndërtuar një shtet prej letre. Me gjithë respektin për “foltoret”, që kanë marrë të gjithë vëmendjen e publikut këto kohë, por kjo është prova më e rëndë se kemi ndërtuar një shtet prej letre. Sepse kanë dalë në pazar të dhënat sensitive të çdo shqiptari të punësuar në këtë vend.
Është përtej çdo imagjinate dhe gabojnë shumë ata që e mendojnë si një fabul që mund të zëvendësojë apo të mbivendosë debatin e Big Brother Vip. Sepse nuk e trajtojmë dot si gallatë një problem kaq serioz dhe delikat. Por qeveria nuk po ndihet dhe nuk shihet të jetë e shqetësuar, a thua se bëhet fjalë për ndonjë temë të parëndësishme nga ato të qytetarëve dixhitalë”, shkruan ai. Ndërkohë ai thekson se duhet të merrte përgjegjësi e plotë nga qeveria dhe t’u japë llogari qytetarëve për këtë çështje.
Discussion about this post