Skandal i madh me koncesionin e Rinasit. Në vend që Shefqet Kastrati t’i arkëtojë shtetit pjesën nga fitimet për koncesionin e Rinasit, po ndodh e kundërta. Kastrati i merr buxhetit të shtetit shuma të çmendura për shërbime dhe komisionet në Aeroportin e Rinasit. Për dy vjetët e fundit KASTRATI AVIATION HOLDING ka arkëtuar nga transaksionet me Thesarin e Shtetit rreth 3.3 miliardë lekë (të reja). Mos u habisni! Kastrati i merr paratë shtetit për komisione, qira zyrash, tarifa, telefona, parkim, internet, etj.
Krahasimi: Para dhe pas blerjes nga Kastrati
Ky arkëtim është thuajse më i madh se sa fitimi i deklaruar për një vit i koncesionarit të Rinasit. Që ta kuptojmë se sa e madhe është zhvatja e buxhetit të shtetit nga ky biznesmen i paskrupullt, le të krahasojmë sa ishte kjo shifër me periudhën para se koncesioni të blihej nga Kastrati Group.
Kështu, transaksionet e Thesarit të shtetit në drejtim të koncensionarit të Rinasit për periudhën 2015-2018 ishin 53,221,263.00 lekë, ndërsa për periudhën 2019-2022 arritën në 327,436,539.00 lekë. Pra, Shefqet Kastrati i merr shtetit 6 herë më shumë të ardhura të siguruara nga shërbimet që shet, se sa në kohën kur koncesionin e kishin kinezët.
Transaksionet e Thesarit të Shtetit për periudhën 2019-2022
Transaksionet e Thesarit të Shtetit për periudhën 2015-2018
Zyrat e shtetit në Rinas i paguajnë qira Kastratit
Gijotina.com ka siguruar dokumentet origjinale të bilancit kontabël të KASTRATI AVIATION HOLDING, nga ku dallohen qartë se si kanë hyrë paratë e shtetit në arkën e Kastratit. Këto të ardhura, një pjesë fshihen me emrin “Të tjera” dhe përfaqësojnë shuma të gjeneruara nga aktiviteti i dhënies me qira të ambienteve për institucionet e shtetit. Ato paguajnë qira sikur të ishin restorante, duty free shop, apo dyqane e agjenci.
Policia e kufirit, Autoriteti Kombëtar i Ushqimit, Doganat, Drejtoria e Shëndetit, Ministria e Bujqësisë dhe disa institucione të tjera paguajnë zyrat sikur të ishin biznese. Po ashtu, institucionet në Rinas i bëjnë pagesa koncesionarit edhe për karburant dhe parkim. Të gjitha kontratat e qirave janë në Euro.
Kastrati zhvat me tarifat
Tё ardhura “tё tjera” pёrfshijnё edhe tё ardhurat nga komisioni i agjentit tё lidhur me tarifёn e kalimit tё kufirit. Bazuar nё udhёzimin e ri mbi tarifёn e kalimit tё kufirit nё fuqi, Kastrati ka tё drejtёn tё mbaje 5% tё shumёs sё arkёtuar nga kompanitё ajrore dhe tё transferuar nё autoritetin e taksave.
Tarifa e kalimit të kufirit përfaqësojnë shuma të paguara nga çdo pasagjer që kalon nga aeroporti. Shoqëria i mbledh këto taksa nga kompanitë ajrore për llogari të autoriteteve shqiptare të taksave.
Të ardhurat nga pasagjerët llogariten duke përdorur një tarifë fikse për pasagjerët në nisje që përdorin aeroportin.
Një zë tjetër janë të ardhurat nga tarifa e sigurisë llogariten dukë përdorur një tarifë fikse për pasagjerët në nisje që përdorin aeroportin. Shoqëria ka detyrimin të paguajë 25% të kësaj tarife Autoritetit Shqiptar të Aviacionit Civil.
“Në përputhje me detyrimin për të mbuluar shërbimin mbi sigurinë, Shoqëria ka të drejtë të mbledhë nga çdo pasagjer që përdor aeroportin një tarifë sigurie prej 4 Euro për çdo udhëtar në nisje, që të mbulojë shpenzimet e arsyeshme për dhënien e këtij shërbimi”, justifikohet kjo kategori nga audituesi që ka hartuar pasqyrën financiare për vitin 2021.
Të ardhurat e mësipërme përllogariten për çdo fluturim dhe njihen në pasqyrën e të fitimit.
Pasqyrat e të ardhurave të koncensionarit deri më 31 dhjetor 2021
Fitimet e deklaruara të koncesionarit
Xhiroja vjetore e koncesionit gjatë vitin 2021 arriti në afro 5.6 miliardë lekë (të reja), ku gjysma e tyre, siç zbulohet nga veprimet në Thesarin e Shtetit, janë komisione dhe qira të zhvatura shtetit.
Kështu, Shefqet Kastrati do të mbyllë në fund koncesionin e Aeroportit të Rinasit me një fitim neto prej 300 milionë eurosh. Shifra del nga përllogaritja e përafërt bazuar në bilancet e dorëzuara nga kompania koncesionare në Qendrën Kombëtare të Biznesit (QKB).
Sipas këtyre bilanceve, pa u mbushur ende dy vitet e para, Kastrati ka ndarë si divident rreth 34 milionë euro, që do të thotë afro 17 milionë euro fitim vjetor. Bilanci pozitiv është regjistruar në vitet më të këqija për transportin ajror, ku për muaj me radhë fluturimet u pezulluan, apo kufizuan prej pandemisë së Covid-19. Me heqjen e këtyre kufizimeve, fitimet vjetore të Kastratit mund të shkojnë deri në 30 milionë euro në vit.
Theksojmë se Real Fortress Private Limited, nё dhjetor
2020, deklaroi shitjen dhe transferimin e kuotave tё tyre tek aksionari i ri dhe i vetёm Kastrati Group Sh.a. Sipas QKB, qё prej datёs 18 dhjetor 2020, Kastrati Group Sh.a. ёshtё aksionari i vetёm i Shoqёrisё.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post