Ashtu siç u paralajmërua protesta kundër rritjes stratosferike të çmimeve në shumicën e sektorëve në vend, ka nisur sot para kryeministrisë. Dhjetëra qytetarë janë mbledhur me pankarta në duar për të kundërshtuar këtë rritje të papritur të çmimeve që i kanë vënë në vështirësi të gjithë shqiptarët.
Të pranishëm në këtë marshim, janë të rinj, të moshuar e madje fëmijë. Çmimi i naftës ka shkuar deri në 275 lekë për litër e të produkteve të tjera bazë.
Sakaq, vetë kryeministri Edi Rama ndodhet në Dubai, pasi nxori pretekstin se kjo krizë ka ardhur si pasojë e luftës që po ndodh në Ukrainë.
Mesa duket kryeministri e ka ndarë mendjen se rritja e çmimit të naftës po i shërben qeverisë për të përfituar sa më shumë para. Gijotina.com më herët raportoi se gati 200 lekë që regjistrohet sot çmimi i naftës në vend, 115 lekë ose 60% të çmimit në total i merr shteti, pa harruar këtu edhe taksat që do të shtohen për disa akse rrugore. Këto përllogaritje në fund të ditës “vënë me shpatulla pas murit” gjithë shqiptarët, megjithatë bashkitë vazhdojnë të hedhin tenderë pa garë dhe me një konkurrent që janë në kundërshtim me ligjin e prokurimit.
Discussion about this post