Federata Shqiptare e Peshëngritjes ka reaguar rreth çështjes së shpërblimit të Briken Caljes. Me anë të një postimi në rrjetin social “Instagram”, Federata Shqiptare e Peshëngritjes deklaron se të gjithë sportistët janë shpërblyer dhe se Briken Caljes i mungojnë vetëm 10 milionë lekë të vjetra.
“SQARIM PËR OPINIONIN PUBLIK
Duke u nisur nga mediat, FSHP ju bën me dije se të gjithë sportistët, duke nisur nga Evangjeli Veli, Erkand Qerimaj, Briken Calja, Samuel Bishanaku dhe Krenar Shoraj janë shpërblyer nga Qeveria Shqiptare dhe Ministria e Arsimit dhe e Sportit si asnjëherë tjetër me rreth 400 milionë lekë të vjetra. Mund të themi se jemi i vetmi vend në botë që me vendim të qeverisë çdo medalje shpërblehet dhe federata ka shpërndarë shpërblimet, konform ligjit nr.9936, datë 26.06.2008.
Është e vërtetë që sportisti Briken Calja, shpërblimin e ka marrë javën e kaluar prej 178 milionë lekë të vjetra.
Pas dorëzimit të aktit noterial, diferenca prej 10 milionë lekë të vjetra do t’i kalojë sportistit Briken Calja ditën e nesërme dt. 12.07.2022.”, thuhej në postimin e Federatës Shqiptare të Peshëngritjes.
Discussion about this post