Skandali McGonigal, Berisha: Viktimë Basha hesht, si ka mundësi?

Kreu i PD Sali Berisha ka komentuar në fjalën e tij skandalin McGonigal.

Berisha tha se Basha si një viktimë hesht, duke shtruar pyetjen se pse ai nuk flet. Sipas Berishës, në këtë rast edhe fajtori edhe viktima janë duke heshtur.

Berisha: Viktimë Basha hesht. Si ka mundësi? Rama ka përdorur McGonigal si vrasës me pagesë. Guvernatorja qëndron ndërkohë pas heshtjes së tij të turpshme. Mirë Rama që është autor i një vepre makabre, po viktima e tij, si nuk gjen forcë të shqipërojë një fjalë të vetme. I bëj thirrje çdo shqiptari të shtrojë pyetjen, si ka mundësi?

A ka një detyrim ndaj atyre që e mbështesin akoma? Të bëjë transparencë dhe të thotë kush i bën presion për të mbyllur gojën. Unë nuk jam i habitur, e kam quajtur peng Basha, por në situatën e re të krijuar, ai duhet të flasë. Ka një detyrim. Kodi i Heshtjes po respektohet si nga krimineli edhe nga viktima.