21 bashki në vend abuzojnë me fondet për asistencat sociale, duke shpërndarë më pak tek qytetarët dhe deklaruar numër më të lartë të institucionet eprore. Kështu ka deklaruar Kontrolli i Lartë i Shtetit në një raport të publikuar së fundmi.
Konkretisht, Drejtoritë e Shërbimeve Sociale në këto bashki raportojnë në thesar nivel më tëvlartë shpenzimesh për asistencat sociale, por në të vërtet vlera dhe përfituesit janë më të paktë. Sipas raportit, këto shkelje janë vërejtur në tre vitet e fundit, dhe vetëm për periudhën 2018-2019 janë vjedhur mbi 127 milionë lekë, përmes këtyre skemave mashtruese.
“Evidencat statistikore të hartuara nga Drejtoritë e Shërbimeve Sociale në NJVV, të dërguara nga Drejtoritë Rajonale të Shërbimit Social, në Drejtorinë e Përgjithshme të Shërbimit Social Shtetëror dhe mandej në Ministrinë e Shëndetësisë dhe Mbrojtjes Sociale pasqyrojnë më shumë shpenzime në krahasim me të dhënat e marra nga rakordimet e bëra me sistemin e Thesarit.
Kjo diferencë rezulton akoma më e lartë për vitin 2018, vit gjatë të cilit Programet NE dhe PAK kanë qenë pa kode të veçanta në sistemin e Thesarit por me një kod të përbashkët. Konkretisht: – Për vitin 2018 rezulton një diferencë prej 2,814,346,626 lekë dhe për vitin 2019 rezulton një diferencë prej 121,806,743 lekë”, thuhet në raport.
Sipas KLSH, institucionet nuk raportojnë të dhënat e sakta as në Bankën Botërore, nga e cila marrin shumë fonde për të ndihmuar shtresat në nevojë. Por, drejtoritë përgjegjëse bëjnë ndryshime të herë pas hershme në listën e përfituesve të asistencës pa i deklaruar këto ndryshime. Kështu paratë tepër që vijnë, ata i mbajnë për vete.
“Për vitin 2019 bazuar në analizën e riskut dhe materialitetit janë evidentuar se vetëm për 21 Bashki, të përzgjedhura këto në bazë të vlerave më larta, duke krahasuar vlerën e alokimit të raportuar në Bankën Botërore me vlerën e alokuar deri në fund të vitit sipas DPSHSSH nga ku rezulton se në 11 raste ka diferenca midis vlerave të raportuara si të alokuar dhe alokimit përfundimtar në shumën 127,000,000 lekë”, thuhet në raport.
E.H M/gijotina.com/
