Kryeministri Edi Rama e ka ‘dorëzuar’ ish këshilltarin e ministres së Jashtme Olta Xhaçka, Amant Josifi i shpallur në kërkim ndërkombëtar nga autoritetet spanjolle për mashtrim me anë të Call Centerave.
Rama deklaroi se në operacion është policia shqiptare. Ai i doli në mbrojtje vëllait të tij Olsi Rama duke thënë se ai është sjellë në valle për shkak të politikës.
“Këto spekulime janë pa vlerë. Ky ish zyrtar është në kërkim nga drejtësia. Kjo nuk është bërë nga organet ligjzbatuese në mënyrë të pavarur por në bashkëpunim me organet tona ligjzbatuese. Këtu kam parasysh edhe policinë e shtetit që është në ombrellën e ekzekutivit. Nuk kanë pasur dhe nuk kanë në asnjë rast asnjë pengesë dhe asnjë ndikimi për të mos vepruar.
Sa i përket sjelljes në valle të emrit të tim vëllai është pjesë e valles së madhe të shpatave që zhvillohet në këtë debatin politik. Im vëlla është adult por në këtë rast është sjellje në valle për shkak të politikës. Nëse personazhi që flasim do kishte pasur mbështetje shtetërore nuk do ishte sot në kërkim”, deklaroi Rama.
Discussion about this post