Në lidhje me raportin e KLSH ku kapi në shkelje drejtorin e Përgjithshëm të Tatimeve Ceno Klosi, ka reaguar deputeti i Partisë Demokratike, Ervin Salianji. Në një postim në facebook, Salianji ka akuzuar qeverinë Rama se nuk njeh limite në emërimin e drejtuesve të institucioneve dhe se njerëzit e emëruar në poste kyçe janë kapur me shkelje të rënda ligjore nga Kontrolli i Lartë i Shtetit. Ai ka publikuar pjesë nga raporti i KLSH, ku behën me dije shkeljet e Drejtorit të Përgjithshëm të Tatimeve, Ceno Klosi, për të cilin është kërkuar shkarkimi nga detyra.
Deputeti i opozitës e quan këtë vendim të qeverisë i degradim të shtetit nga rilindja, që sipas tij promovon njerëzve probleme me ligjin për të kërcënuar me gjoba biznesin.
“Degradimi i shtetit nga rilindja nuk njeh limite, drejtuesit e institucioneve në rastin më të mirë janë të paaftë, në shumicën e rasteve janë njerëz me cene, si drejtori i Përgjithshëm i Tatimeve! Pasi Kontrolli i Lartë i Shtetit e kap në shkelje dhe kërkon largimin nga detyra dhe hetim Rama e pikas që ka ves dhe e emëron! Sistem përmbys, në vend që t’i dorëzohen drejtësisë promovohet për të dorëzuar bizneset tek qeveria duke i kërcënuar me gjoba” – thekson Salianji.
Discussion about this post