Skandali i dhënies me koncesione të 5 HEC-ve në Kaçinar të Mirditës nuk ka të mbaruar. Ditën e sotme Gjykata e Lezhës vendosi të kthejë çështjen dhe rrëzoi vendimin e prokurorisë për pushim hetimesh. Banorët kanë qenë ata që kanë kallëzuar këtë çështje në prokurori, pasi pretendojnë se në kontratat e koncesionarit ka falsifikim firmash dhe shkelje të ligjit. Madje ato ankohen se prokuroria nuk i ka bëtë si duhet hetimet, por e ka kaluar çështje në mënyrë sipërfaqësore.
Një nga banorët tha se do t’i shkojnë çështjes deri në fund dhe nëse do jetë nevoja do të derdhin gjak që të mos ua prek askush ujin. Ndërsa një prej tyre tregon se zona e Kaçinarit është shpallur zonë e mbrojtur. “Ne do t’i shkojmë deri në fund, nuk na e merr kush ujin ose ai përrua ka për t’u larë me gjak. Bashkia e Rrëshenit ua ka dhënë kompanive për interesa personale, nuk mund ta marrë askush ujin e kemi të trashëguar dhe nuk njohim pronarë. Kryetari i Këshillit është shkaku kryesore i ndodhive këtu. Zona e Kaçinarit është shpallur zonë e mbrojtur”, deklaroi një banorë.
Ndërsa një i moshuar i zonës ka thënë se prej vitesh që jeton aty, ajo pjesë e përroit nuk është prekur dhe askush nuk ka ndërhyrë për t’iu marrë ujin, pasi ka qenë pa pronar e trashëguar brez pas brezi. Sipas tij është e turpshme që qeveria të vjedh qytetarët. “U bëra 89- vjeç dhe nuk kamë parë kurrë kaq vjedhje dhe kaq mashtrim që na bëri bashkia jonë, duke na vjedhur pronën. Ne duam ta lëmë trashëgimi as nuk do i lëmë ta punojnë ketë pjesë edhe sikur të shuhemi krejt. Të vjedhë shtet është e tmerrshme”, u shprehën ai, teksa vlerëson vendimin e gjykatës që ktheu çështjen për rishqyrtim.
Discussion about this post