Nënkryetarja e PD-së, Jorida Tabaku, ka reaguar sot pas arrestimit të Lefter Kokës dhe skandaleve për ndërtimin e Inceneratorët të Elbasanit. Përmes një interviste televizive ajo ka zbardhur skemën e kontratës për ndërtimin e inceneratorit. Sipas saj, vetëm një telefonatë e bërë nga ish-kryetari i Bashkisë Elbasan, Qazim Sejdini me ish-ministrin Lefter Koka përshpejtoi procedurat për ndërtimin e këtij inceneratori.
“Z. Klodian Zoto dhe znj. Stela Gugallja takojnë kryetarin e Bashkisë Qazim Sejdini. Unë kam të prova me shkresa. Brenda ditës Qazim Sejdini i nis një shkresë Lefter Kokës dhe i thotë që ka një situatë emergjentë për mbetjet në Elbasan. Në Shqipëri kishte vite që punohej nga donatorët për një strategji mbetjesh bazuar në landfillet rajonale”, tregoi ajo.
Sipas saj, menjëherë Koka shpalli procedurën me njoftim për ofertën e pa kërkuar që erdhi nga kompania e Klodian Zotos dhe Stela Gugalljas dhe më pas brenda një periudhe shumë të shkurtër u mbyllë i gjithë procesi
“Ishte një kompani me një kapital prej 1 milionë lekësh e regjistruar 2 muaj më parë. Hapet procedura, të gjithë ministritë japin miratimin. Është i përfshirë i gjithë pushteti lokal. Asnjë nga përfituesit nuk përfshihet në këtë proces. Kompania filloi të blinte pajisjet, i blen me çelësa në dorë. Ndërkohë brenda ditës firmoset kontrata dhe mbyllet ankesat. Është e vetmja kontratë që është bërë pagesa në ditën e firmosjes së kontratës”, tha ajo. Ndërsa i kërkoi SPAK që të thellojë më shumë hetimet pasi persona të tjerë duhet të vihen para përgjegjësisë.
Discussion about this post