Pas skandalit me listën e fituesëve të shkollës së Magjistraturës, qeveria është vendosur në levizje.
Sot në orën 15.00, Bordi i Magjistraturës do të ketë një takim me ministrin e Drejtësisë, Ulsi Manja lidhur me skandalin e ndodhur me fazën e parë të provimit të kandidatëve për magjistratë.
Shkolla e magjistatuës u përshi nga një skandal, pasi për shkak se drejtuesit e saj duke pretenduar se nuk kishte punuar pajisja scantron-i për korrigjimin elektronik të tezave, bëri korrigjime manual dhe nga 79 emra që dolën fitues në fazën e parë, por që më pas u shtua me “52” kandidatë të tjerë, duke shkuar në 131 kandidatë.
Kandidatët për magjistratë kanë reaguar, pasi në këtë mënyrë ata ngrenë dyshime se po manipulohet procesi për zgjedhjen e tyre. Për këtë arsye pritet të zhvillohet edhe takimi në lidhje me çfarë ka ndodhur me provimin me shkrim.
Ajo që mbetet e paqartë është qëndrimi i BE dhe KiE të cilat monitorojnë procesin por deri tani nuk kanë bërë asnjë reagim lidhur me këtë.
Discussion about this post