Drejtuesi politik i PD për Qarkun e Tiranës, Belind Këlliçi, ka bërë një denoncim të fortë në lidhje me një çështje që ka të bëjë drejtpërdrejt me sigurinë dhe shëndetin e qytetarëve shqiptarë.
Në një investigim të emisionit “Piranjat”, është zbuluar se 27 ton mish pule i importuar nga Brazili është i infektuar me bakterin e Salmonelës, pas analizave të kryera nga ISUV. Kjo sasi e mishit të dyshuar është hedhur në treg pa pritur rezultatet e analizave, duke rrezikuar shëndetin e qytetarëve.
Këlliçi ka theksuar se ky është një alarm i drejtpërdrejtë për shëndetin e popullsisë dhe kërkon përgjigje të menjëhershme nga Ministrja e Shëndetësisë, Anila Denaj. “Kjo është një çështje urgjente dhe nuk ka më vend për diskutime politike. Ky është një krim kundër shëndetit të qytetarëve, dhe Ministrja duhet të marrë përgjegjësinë për pasojat e mundshme. Qytetarët meritojnë të dinë se çfarë po hanë dhe si po mbrohen nga autoritetet e shëndetit publik,” tha Këlliçi.
Reagimi:
Një denoncim urgjent i lidhur drejtpërdrejtë me shëndetin e qytetarëve shqiptarë!
Nga një investigim i emisionit Piranjat në SYRI TV, 27 tonë mish pule i importuar nga Brazili rezulton i infektuar me bakterin e Salmonelës, sipas analizave të kryera në ISUV.
Kjo sasi e mishit të importuar dyshohet se është hedhur në treg pa pritur rezultatin e analizave.
Kjo është një çështje urgjente!!!
Këtu nuk ka më as diskutime politike, bëhet fjalë për sigurinë ushqimore të qytetarëve.
Ministre Anila Denaj, jepini përgjigje qytetarëve mbi ushqimin që konsumojnë dhe mbani përgjegjësi për këtë krim kundër shëndetit!
Discussion about this post