Katër punonjësit e Alpetrol që u arrestuan dy ditë më parë për shpërdorim detyre kanë dalë sot para trupës gjykuese në Gjykatën e Fierit. Masa e caktuar për nga gjykata për 4 punonjësit është arrest me burg. Ata akuzohen se morën një sasi të konsiderueshme nafte dhe uji teknologjik të marrë në depozitat e Usojës, e cila do të injektohej në puset e Kashit, duke vepruar në kundërshtim me urdhërin e drejtorit të Kabinetit të Alpetrol, Ylli Skenderaj.
Në pranga u vunë kryetaru u degës teknike të Alpetrol, Arjan Kallashi 49 vjeç, banues në Fier. Përgjegjësi për mbarëvajtjen e seperatorëve dhe pompimit, Selami Rustemi 54 vjeç, banues në Fier. Punonjësi i task forcës në Alpetrol Dashamir Merkaj 54 vjeç, banues në Ballsh, si dhe Dilaver Idrizaj 56 vjeç, banues në Fier.
Arrestimi i këtyre katër shtetasve erdhi pas denoncimit të bërë nga Drejtor i Kabinetit të Alpetrol, Ylli Skenderaj, i cili deklaroi se këta shtetas datë 07.12.2021 kanë vepruar në kundërshtim me urdhërin e brendshëm të Drejtorit të kompanisë Alpetrol, duke transportuar një sasi të konsiderueshme me naftë dhe ujë teknologjik të marrë në depozitat e Usojës, e cila do të injektohej në puset e Kashit.
Discussion about this post