Djali i ish-kryeministrit Sali Berisha, Shkëlzen Berisha ka ironizuar skandalin me numrat e telefonit të tre milionë shqiptarëve janë reklamuar në një faqe në internet për t’u shitur.
Shkëlzen Berisha me anë të një postimi në rrjetin social shkruan se të dhënat personale të shqiptarëve janë si Edi Rama në plazh, i referohet fotove të viteve më parë të Kryeministrit ku shfaqej nudo në bregdet.
“Të dhënat personale të shqiptarëve si Rama n’plazh” shkruan ai në postimin e tij.
Numrat e telefonit te 3 milionë shqiptarëve së bashku me emrat e përdoruesve të këtyre numrave, janë reklamuar në një faqe interneti për t’u shitur. Poseduesit e këtij database të numrave personale kanë listuar edhe çmimet e shitjes së numrave, ndërsa përdorimi i tyre bëhet për fushata marketingu të ndryshme.
4.000 dollarë është çmimi për blerjen e 3 milion të dhënave për numrat shqiptarë të telefonisë mobile. 1.500 dollarë nëse do të blesh të dhënat e 1 milion numrave, 1.000 dollarë për 500.000 numra dhe vetëm 350 dollarë për 100.000 numra.
Në faqen ku mund të blesh listën me numrat e shqiptarëve thuhet se lista e numrave celularë është e saktë dhe autentike e madje dhe informacione janë të përditësuara, me numrat personale, emrat, qytetet si dhe kodet postare.
Kujtojmë se skandali i publikimit të pagave dhe të dhënat personale rrezikoi stabilitetin dhe sigurinë e qytetarëve. Këto të dhëna u shpërndanë me shpejtësi në rrjetet sociale ku përfshinte të dhënat e pagave të mbi 650 mijë shqiptarëve, numra celulari personale të 900 mijë qytetarëve shqiptarë dhe ajo e targave e mbi 530.452 qytetarë shqiptare privat dhe për 61.513 biznese, banka, ambasada etj!
Discussion about this post