Pas skandalit të publikimit të pagave të mbi 600 mijë shqiptarëve, Drejtori i Sistemit Informatik të Tatimeve, Ervin Muça ka dhënë dorëheqjen dhe është vendosur në dispozicion të hetimeve.
Dorëheqja e tij vjen pas publikimit të pagave për muajin maj dhe prill të vitit 2021, si dhe numrat e telefonit. Ndërkohë që sot skandali është thelluar me publikimin e një databaze me targat e makinave të qytetarëve. Të dhënat personale që u publikuan janë tipi i makinës dhe targa e saj.
Pas skandalit, Prokuroria e Tiranës ka nisur hetimet, ku mëngjesin e sotëm ka marrë në pyetje 14 ekspertë IT të Tatimeve, ISSH dhe AKSHI-t, si dhe ka kryer një inspektim të kompjuterave.
Discussion about this post