Prokuroria e Tiranës ka nisur verifikimet në lidhje me skandalin e listës së Tatimeve ku pasqyrohet numri i identifikimit si edhe paga bruto e qytetarët që punojnë në sektorin publik apo privat.
Mësohet se lista ka emrat e 637 138 shqiptarëve dhe të huajve që janë punësuar dhe marrin pagë në Shqipëri. Në momentin e parë të shpërndarjes së të dhënave, qytetarët kanë qenë të interesuar të dinë kush është personi me pagën më të lartë në vend.
Sipas databazës, paga më e lartë e deklaruar për një individ në këtë është 24 756 000 lekë dhe i përket një emri mjaft të njohur, por nuk njoftohen më shumë detaje.
Ajo që bie në sy lidhet me faktin se pagat e deklaruara në nivele më të ulëta janë shumë më të vogla krahasuar me realitetin duke treguar se bizneset vijojnë të operojnë me dy bordero në Shqipëri.
Lista, një dokument në formatin “excel” është duke qarkulluar në “Whats App” masivisht edhe përbën një shkelje flagrante të të dhënave personale të qytetarëve. Një skandal i ngjashëm u publikua disa ditë para 25 prillit, ku patronazhistët e qeverisë “Rama”, ndikuan që ky i fundit të fitonte për herët të tretë zgjedhjet parlamentare.
Discussion about this post