Burime të besuara pranë prokurorisë së Tiranës konfirmuan për mediat se kanë mundur të identifikojnë se cilët punonjës të AKSHI-t kanë pasur akses në sistem, ku kanë kopjuar dhe shpërndarë databazën e pagave. Zyrtarët e Agjencisë Kombëtare të Shoqërisë së Informacionit janë të dyshuarit kryesorë për skandalin e publikimit të listë pagesave të mbi 690 qytetarëve punonjës të administratës publike apo bizneseve private në vend.
Ndërkohë skandali thellohet edhe më shumë, përderisa prokuroria ka dyshime të forta se të njëjtët zyrtarë që shpërndarë në mënyrë të pautorizuar listëpagesat e qytetarëve, më herët nxorën edhe databazën me të dhënat e qytetarëve të kryeqytetit, e njohur si dosja e patronazhistëve, ku krahas emrit mbiemrit dhe numrit të ID-së secili patronazhistë shënonte preferencën politike të votuesit.
SPAK hetoi më herët edhe dosjen e patronazhistëve, por ky institucion lau duart, duke iu kaluar topin organit të akuzës në kryeqytet. Për shkak se janë ngritur dyshime të bazuara në prova, që të dyja databazet janë shpërndarë nga e njëjta linjë dhe kanë rrjedhin nga i njëjti institucion, grupi i hetimit ka gjasë t’i bashkojë dhe hetojë në një të bashkojë dhe hetojë në një të dyja dosjet.
Për të siguruar prova, prokuroria krahas këqyrjes së sistemit dhe kompjuterëve të këtyre qytetarëve, ka kryer dhe përgjime e vëzhgime të disa prej të dyshuarve, të cilët në bisedat mes tyre, kanë nxjerrë detaje që i kanë shërbyer hetimit. Zyrtarë të Prokurorisë thanë se së shpejti pritet të ketë rezultate konkrete për hetimin, por se pjesa më e vështirë e zyrtarë të prokurorisë thanë se së shpejti pritet të ketë rezultate konkretë pet hetimin, porse pjesa më e vështirë e tij do të jetë përcaktimi i motivi, se përse u publikuan listëpagesat e mijëra qytetarëve.
Rrjedhja e të dhënave konsiderohet një nga skandalet me të rënda të ndodhura vitet e fundit, pasi të dhënat personale të punonjësve të administratës, por edhe atyre të biznesit privat mund të keqpërdoren nga individë, por edhe grupe kriminale.
Discussion about this post