Fabio Petruzzella, i arrestuar me akuzën se ka pastruar paratë e ndërtuesit Francesco Zummo, përmes një skeme ku ishte i përfshirë edhe biznesmeni i hidrokarbureve Rezart Taçi, ka mohuar kategorikisht akuzat para togave të zeza.
Në dëshminë e tij Petruzzella hedh poshtë akuzat duke pretenduar se nuk ka bërë asgjë të paligjshme. “Gjithçka është e ligjshme”, është shprehur ai.
Sakaq Rezart Taçi vijon të jetë në kërkim ndërkombëtar, ndërsa dy njerëzit e tij në Shqipëri janë arrestuar, prokuroria e posaçme do të verifikojë të gjitha pasuritë e biznesmenit të hidrokarbureve.
Taçi siç thuhet në dosje kishte rol në transferimin e mbi 18 milionë eurove të Francesco Zummo. Për shumën që do të kalonte nga Zvicra në Shqipëri dhe më pas në Singapor ose Hong Kong, Taçi do të merrte pjesën e tij mbi 3 milionë euro si “komision” për ndihmën.
Discussion about this post